TECNOLOXIA CREATIVA

A calculadora "Curta"

2011-02-22T22:27:00.001+01:00

Este ano no IES de Canido celebramos o entroido, e decoramos todo o centro con distintos inventos e avances científicos. Un dos temas tratados foros os aparellos relacionados coas matemáticas, e buscando na web atopei esta increible máquina de calcular totalmente mecánica (non ten ningun compoñente eléctrico nin electrónico).

Foi inventada por Curt Herzstark no 1948 nun campo de concentración e perfeccionada máis tarde.

Suma, resta, multiplica e divide, e tamén con algunha complexidade fai raíces cadradas e outras operacións.

Comezou a fabricarse en serie no 1947 e estivo a venta ata 1973 , cando as calculadoras electrónicas foron máis baratas.

Hoxe é unha peza de colección.
Mais información na páxina " A calculadora Curta"

Obsolescencia programada

2011-01-10T19:12:00.003+01:00

Votade unha ollada a este video, emitido no 2º canle da tve e subido a youtube por jorgekan...

Reflicte perfectamente como nos obrigan ao consumismo, programando que os aparellos teñan unha vida útil limitada e así obrigarnos a comprar aparellos novos e provocando máis consumo e manter a economía, mentras enviamos os nosos refugallos aos países menos desenvolvidos.
É posibel crear novos aparellos tendo en conta o esgotamento dos recursos e reutilizando os nosos refugallos?
Eiquí un exemplo, a bombilla incandescente, limitaronlle a vida útil a 1000 horas cando podería ser ilimitada..ver artigo e tamén deixo este enlace a unha páxina dun parque de bombeiros en Livermore-California, onde está funcionando unha lámpada con 110 anos

2010-06-10T22:31:00.002+02:00

En galego tamén se fai ciencia from En galego tamén se fai ciencia on Vimeo.

O meu soldo quedou "algo pequeniño"

2010-06-07T10:10:00.003+02:00

Semáforo con bote programador feito co google skechup

2010-06-04T23:19:00.003+02:00

Bruno Gonzalez Fano de 3º da ESO realizou esta animación co google skechup. Excelente!!!

IDEAS DE PROXECTOS. vía Tecnologia.profe

2010-06-02T22:58:00.003+02:00
Aquí vos deixo algunhas ideas de proxectos para o vindeiro curso.

Vía Aulatecnologias

Robocampións

2010-06-01T22:41:00.001+02:00

O alumnado do IES Primeiro de Marzo de Baiona foi premiado no campionato de robótica Robocampeones 2010 que se celebrou o venres 28 de maio no IES Jovellanos de Fuenlabrada (Madrid). Parabens aos premiados. Bó traballo.
Póñovos eiquí un video de unha das probas a de SUMO, mirade como loitan 2 robots

SEMÁFORO CON BOTE PROGRAMADOR

2010-05-30T16:38:00.001+02:00

Proxecto de Tecnoloxía de 3ºESO
Os alumnos de 3º da ESO construíron por grupos un semáforo con bote programador, e dicir, mediante o xiro dunha lata onde fan contacto alternativamente unhas chapas de latón acéndense as lámpadas de distintas cores.

Foi construído co kit de Opitec. Aquí tendes o enlace as instruccions en pdf

Como funcionarán estes increibles coches???

2010-05-14T20:28:00.002+02:00

Sketch-a-Move from Superflux on Vimeo.

Mirade como diseñan os futuros enxeneiros

2010-05-08T21:59:00.003+02:00
Ponte construida con paus de xeado. Escola de enxeneiros de Bilbao

Tamén constrúen con espaguetis

Visita virtual a fábrica de Nissan

2010-03-29T14:39:00.000+02:00
Gustaríache realizar unha visita virtual a fábrica de montaxe de Nissan, entón preme aquí

Os alumnos de 4º asisten a un taller de robótica

2010-02-07T15:52:00.001+01:00
Dentro da Semana da Ciencia 2009 que organiza a Direción Xeral de I+D+I, os alumnos de 4º de Tecnoloxía, asistiron ao Obradoiro "A maxia da robótica" que consistía na montaxe e programación dun robot móbil cun kit de LEGO, de maneira sinxela e divertida en tan só unha hora, coa preparación previa dunha hora de introducción e familiarización cos robots e a linguaxe da robótica.
Mais información aquí

Aula Virtual do IES de Canido

2010-01-21T00:40:00.001+01:00
Como xa todos sabedes o tema de plásticos de 3º da ESO estamos a dalo a través da aula virtual.
Os alumnos estades rexistrados, tedes un nome de usuario e un contrasinal, deste xeito eu poderei facer un seguimento dos vosos accesos ao curso.
Os que non sodes alumnos podedes ver os contidos entrando como convidados, e a través deste enlace.
Dentro do curso hai enlaces a outras páxinas e a vídeos relacionados co tema.

Paremos o decretazo contra o GALEGO

2010-01-20T16:06:00.002+01:00

A lingua Galega é a nosa cultura.

Exposicion "Aforrando Enerxía"

2009-10-24T16:25:00.002+02:00

No vestibulo e corredor inferior do noso instituto (ies de canido) están expostos 15 paneis informativos sobre o aforro enerxético, e sobre como podemos contribuir a frear o cambio climático. Esta exposición está organizada polo colectivo "Lápis Verde" e ilustrada polo pintor Leandro Lamas, quen tamén se ocupará de ilustrar o libro do noso compañeiro e profesor Anton Cortizas, "Embora"
Non deixedes de ver a exposición e...... ¡¡Aforrade enerxía!!

Deixovos aquí un video dos cadros deste magnífico pintor

Subir a Presentación a Web

2009-10-23T10:21:00.003+02:00
Xa rematastes a presentación sobre Hardware, agora debemos subila a web, podemos facelo de distintos xeitos:
Co Slideshare, pero ten un problema, non garda os efectos nin as transicions das diapositivas
Co Slideboom, este sitio permitenos subir as presentacions en formato flash, para iso temos que instalar un complemento no Power Point que nos permita gardar a presentación en formato SWF (flash). Este complemento chámase iSpring, este complemento podes descargalo AQUÍ

Documentos de traballo no taller

2009-10-08T13:25:00.008+02:00
A través destes enlaces atoparedes os documentos de traballo para o Taller e para a Memoria Individual.
Documentación que debe ter a Memoria do Proxecto
Listado de Ferramentas
Listado de Materiais
Folla de cálculo para o Orzamento

A Grúa de opitec. Proxecto de 2º ESO

2009-10-06T20:46:00.000+02:00

Proxecto de 3º da ESO.- Maquina de facer pompas de xabón

2009-10-06T19:59:00.004+02:00

MAQUINA DE POMPAS DE XABÓN

Os robots de 4º

2009-09-26T21:14:00.002+02:00
Proxecto de 4º da ESO do IES Sofía Casanova
Robots feitos cos proxectos de Cucabot

De Buzón

Excavadora pneumática

2009-09-26T21:11:00.001+02:00
Proxecto de 4º da ESO do IES Sofía Casanova.

De Buzón

Os semáforos de 2º ESO

2009-09-26T20:51:00.001+02:00

Semáforos de 2º ESO Sofía Casanova curso 2008-09

Estruturas con papel

2009-09-26T20:37:00.004+02:00

Unha boa estrutura debe ser resistente, lixeira e estable. Para construir estruturas empreganse perfiles sinxelos que permiten aforrar material sin perder resistencia.
Nos empregaremos o papel, un material sen moita resistencia, pero que si enrolamos conseguiremos tubos que son un estupendo soporte, e que colocados da forma axeitada (triangulando) podemos obter estruturas que soporten moito peso.
Nos seguintes enlaces atoparedes sinxelas estruturas feitas con ruliños de papel.
A grúa
A noria
A ponte
Apuntes sobre as estruturas con papel

LED.- A Luz do futuro

2009-04-26T19:36:00.003+02:00
Xa todos coñecedes os Díodos Emisores de Luz, coñecidos coma LEDs.
Os diodos LED coñécense desde os anos 60. Son eses pilotos vermellos e verdes que hai en todos os aparellos electrónicos. Dentro da caperuza de plástico dun diodo LED hai un material semiconductor. Cando se aplica unha pequena corrente eléctrica, emite luz, sen producir calor e cunha cor definida. A cor pode ser ata invisible para o ollo humano, como os LED infrarrojos que hai no mando a distancia do televisor.
A cor azul
O descubrimento dos LED azuis abriu a porta á iluminación doméstica, pantallas de ordenador máis lixeiras e luces de discoteca máis espectaculares, que poden adoptar calquera cor e controlarse cun PC, e tamén a unha avalancha de pilotos azuis en electrodomésticos e coches "tuneados".
Vantaxes: un diodo LED ocupa menos espazo que unha bombilla incandescente. ,son máis brillantes e ademais, todo o diodo brilla por igual, pode durar 50.000 horas, ou o que é o mesmo, seis anos aceso constantemente. Iso é 50 veces máis que unha bombilla incandescente. En canto a consumo: un semáforo que substitúa as bombillas por diodos LED consumirá 10 veces menos coa mesma luminosidad.
Presentes nas novas tecnoloxías
A compañía Samsumg elaborou este video para promocionar a nova tecnoloxía LED nos seus televisores.
Cambiaremos as lámpadas das nosas casas?
Este tipo de diodos LED aínda son caros. As lámpadas de 3W, que poden substituír a unha bombilla de 40W, custan ao redor de 65€. O aforro no consumo e a duración non son suficientes motivos para que os consumidores se láncen a por elas.
Pero os avances prodúcense a toda velocidade e unha lámpada LED coas mesmas prestaciones pode baixar de prezo en cuestión de meses.
Via Desenchufados e Eroski

Reloxío de Limons.

2009-01-20T23:09:00.006+01:00

No Blog Ecoinventos atopei este artículo sobre un reloxio feito con limons. O cal me fixo lembrar aquela práctica que consistía en elaborar unha batería con varios limons e unhas láminas de cobre e zinc.
Recentemente exposto na Bienal Internacional de Deseño en Saint Etienne atopamos este sorprendente reloxio que xenera enerxía a partir de limons. O gadget é obra de Anna Gram, oficina francesa de deseño, a cal a través dun sinxelo proceso de electrólisis foi capaz de pensar neste innovador reloxio que se manten encendido mais dunha semana con un limón común e corrente.

A explicacón - consiste en demostrar e recordar que gran parte das fontes de enerxía encontranse na natureza, esperando ser descubertas-

VIVAMOS COMA GALEGOS

2008-12-02T15:53:00.001+01:00
Co ánimo de axudar a promocionar o galego entre os alumnos ahí vai este vídeo que triunfa en todo o mundo "Vivamos como Galegos"

CONCURSO RECOATLÁNTICO

2008-11-28T17:49:00.001+01:00

O IES Sofía Casanova está inscrito no concurso Recoatlántico.

Promovido por a empresa RECOATLÁNTICO, adicada a recuperación de consumibles de impresoras. Podedes informarvos mellor en http://www.recoatlantico.es/concurso.html

Trátase de recoller a maior cantidade posible de cartuchos baleiros de tinta (ink-jet) ou toner (laser). Non serven os de fotocopiadora.
Cantos mais cartuchos sexamos capaces de recoller mais posibilidades temos de conseguir premios.
Necesitamos como mínimo 300 puntos =300 cartuchos. (ainda que non todos valen o mesmo)
Colabora co centro Reciclando,
!! Non tires o lixo o cartucho baleiro, traino o centro"

Podedes conseguir cartuchos implicando os vosos familiares, pedindolles incluso que traian os cartuchos baleiros dos seus traballos.
COLABORA

CÓDIGO DE CORES DAS RESISTENCIAS

2008-11-20T22:02:00.003+01:00

Con esta aplicación creada no IES Otero Pedrayo da Coruña, poderedes coñecer o valor das resistencias según o código de cores.
Preme aquí Otero Resistor

CONCURSO DE PROTOTIPOS

2008-11-20T19:28:00.001+01:00
O pasado xoves 13 de novembro, os alumnos de Tecnoloxía de 4º da ESO do IES Sofía Casanova visitaron o Concurso de Prototipos que organiza D. Javier Cuadrado, profesor de 3º curso de Enxenería Industrial, na Escola Politécnica de Esteiro.Premede aquí e veredes o album de fotos.

MOI PRONTO CON VOS

2008-10-07T23:36:00.004+02:00
Comezamos un novo curso, e de novo estaremos con vos, con novos proxectos e outras novas....
Mirade por exemplo o seguinte video sobre un caderno dixital de oxford.... O papershow

INTERNET EXPLORER O FIREFOX

2008-10-01T18:51:00.001+02:00
Aquí tedes un vídeo sobre unha enquisa nas ruas de New York sobre que prefire a xente , o navegador de Microsoft ou o Firefox

"A CASA SOÑADA"

2008-06-23T14:29:00.005+02:00

Proxecto de 4º da ESO do IES Sofía Casanova. Case rematado.

Mais fotos

FÓRMULAS QUÍMICAS

2008-05-29T20:10:00.005+02:00

Xa que comezamos coa formulación querovos lembrar que na páxina do instituto no Departamento de Física e Química , APLICA E APRENDE podedes practicar formulación e nomenclatura.
Aquí facilitovos un enlace a unha páxina de formulación, onde tedes apuntes claros , exemplos e tamén exercicios para practicar.
Neste enlace tedes unha TABOA PERIODICA INTERACTIVA.

PROXECTO DE 4º ESO. "A CASA SOÑADA"

2008-03-24T23:28:00.014+01:00
Tátase de " A casa soñada" do libro de texto IV de Edelvives pero a edición do curso 98-99 .
Consta da vivenda con 1 dormitorio, cociña, salón comedor, baño e vestíbulo, garaxe, piscina, torre para o depósito da auga, .... coas instalacions correspondentes.

Estamos a piques de rematala montaxe da casa e comezaremos coas instalacions neste último trimestre.

Podedes ver aquí algunhas fotos.

A Memoria da Casa entregarase en formato WIKI que elaboraredes entre todos os compoñentes dos grupos 1,2,3,4 que tendes habilitada no seguinte enderezo http://casasonada.wikispaces.com/
Deberá estar rematada antes do 6 de xuño.

Gustariache dar un paseo por unha casa interactiva e aprender como aforrar enerxía. Preme no seguinte enlace. A casa interactiva

UNIDADE 5. A MATERIA

2008-03-24T23:18:00.029+01:00
No seguintes enlaces atoparedes:
1ª ficha de actividades
Esquema da materia.
Ficha de actividades nº 2. A Materia .
Resume do tema 5.
Video didáctico da materia

Visualiza o video e contesta as seguintes preguntas:
¿Cal é a temperatura de ebulición do alcol?
¿Como demostran que o que sae en primeiro lugar da destilación é alcol?
¿que elementos mesturan para a practica da filtración?

XOGA A CAMBIALO CLIMA

2008-03-21T22:26:00.006+01:00
No seguinte enlace tes un xogo educativo que che propon reducilas emisions de CO2 dunha cidade chamada Metrópolis. Adiante e demostra o ecoloxísta que eres.
Enlace xogo

PRACTICAS DE LABORATORIO 3º ESO FeQ

2008-03-10T09:16:00.005+01:00
Neste enlace podedes ver as prácticas de laboratorio propostas.
PRACTICAS DE LABORATORIO 3º ESO. FÍSICA E QUÍMICA

MÁQUINA DE POMPAS DE XABÓN

2008-03-04T22:36:00.014+01:00

O proyecto que plantexamos no IES Sofía Casanova para 3º da ESO e unha máquina que fai pompas de xabón.

Combina mecanismos, electricidade, e traballo con metais, plásticos e madeira.
O remate do proxecto e antes de que acabe o curso, cada alumno debe entregar unha MEMORIA INDIVIDUAL, onde explicará todo o referente a máquina, aportando planos, debuxos de mecanismos e circuitos, orzamento, así coma unha valoración persoal do proxecto.
Album de fotos do proxecto
Un grupo de alumnos e alumnas de 3º ESO - B elaboran unha wiki. http://maquinadepompas.wikispaces.com/. O contido da mesma e a documentación técnica do proxecto.

TEMA 4.- ELECTROMAGNETISMO

2008-02-18T19:31:00.007+01:00
Apuntes de Magnetismo

Ficha de actividades nº 1 de Electromagnetismo
Exame de Magnetismo do 4 de Marzo de 2008

UNIDADE 7. A TERRA

2008-01-24T22:43:00.000+01:00

Para complementar o estudiado na aula e para ampliar información Visitade a páxina web ASTROMIA e atoparedes información sobre:

Sistema solar

Estructura interna

Estructura externa

Deriva continental

Tectónica de placas

Terremotos

Tsunamis

Volcans. Crucigrama volcánico

Unha páxina moi interesante de ciencias naturais onde tamén hay moita información sobre os volcans.
Presentación dos volcans e neste enlace veredes un documental
Albúm de fotos

Tamén na páxina do cnice Proxecto Biosfera hay actividades e temas interactivos.

ALEACIÓN COBRE E CINC

2008-01-22T10:51:00.000+01:00

¿Pero isto e unha moeda de 5 céntimos?

Presentovos unha interesantísima práctica de laboratorio tanto para Tecnoloxía como para Física e Química, que me ensinou a compañeira de Física , Raquel Díaz.

Preme aquí e terás a explicación de toda a práctica, o material que necesitas e como facelo.

Aquí as fotos
!!!Probade e veredes os resultados!!!

EXERCICIOS DE MECANISMOS

2008-01-18T18:05:00.003+01:00

Se queredes practicar os coñecementos adquiridos en clase no tema de Mecanismos, aquí vos propoño un enlace a unha excelente páxina do IES Marenostrum de Alicante. Tamen chamada MECANESO.

Premendo no apartado Exercicios e poderas autoavaliar os teus coñecementos. Boa Sorte.
Outra páxina con actividades interactivas e a do IES a Sangriña

PRACTICA DE LABORATORIO. ALEACIÓN COBRE E CINC

2008-01-17T22:21:00.006+01:00

O pasado xoves 17 de xaneiro 4º de Diversificación realizou unha práctica no Laboratorio de Física e Química coa profesora Raquel Díaz.
A practica consistía en converter unha moeda de 1,2 ou 5 céntimos, que como sabedes son de cobre, en latón.
No seguinte enlace podedes ver o material empregado e a explicación da práctica.
Albun de fotos.

CONFERENCIA LAPIS VERDES

2008-01-15T21:58:00.000+01:00

O colectivo Didáctico Medioambiental "Lapis Verdes" deu unha conferencia no IES Sofía Casanova o pasado luns 14 de Xaneiro, sobre o Cambio Climático. Dirixido a alumnos de 3º, 4º ESO e Bacharelato.
O fin destas charlas é concienciar os mais novos para que reduzan o consumo ou polo menos que fagan un consumo racional para acadar un desenrolo mais sostible.
Estivo tamén presente a Concellala de Educación Mercedes Carbajales, que presentou a campaña "Selecciona para Reciclar" do concello de Ferrol
Está previsto que repitan o próximo luns 21 de Xaneiro as 10:30 no mesmo centro.
Rapaces ; A solución está nas vosas mans ou ¿deixaredes que o solucionen eles?

LENDA URBANA SOBRE OS FLUORESCENTES

2008-01-14T23:12:00.000+01:00

¿Apagamos ou non os fluorescentes antes de sair o recreo?
Hai quen dí que é mellor non apagar a luz das aulas para sair o recreo, posto que os fluorescentes consumen moito durante o acendido, mais que se os mantemos acesa.
En tal caso o que aforraríamos sería o tubo fluorescente pero non enerxía.
A verdade é que hay moita xente que pensa o mesmo, pero os cálculos demostran o contrario.
por exemplo:
Un fluorescente de 20W
Supoñamos que consome o acendelo 100W mais ou menos.
Se tarda en acenderse 2 segundos, a enerxía consumida durante o acendido sería
E=P*t= 100W*2 s=200 J
O tempo que tería que estar acesa este fluorescente para consumir a mesma enerxía sería:
E=P*t
t=E/P=200 J/20 W = 10 s
Polo tanto, a lenda sería certa se o recreo durase 10 segundos ou menos.
Asi que se queres aforrar enerxía "apaga as luces"
Información obtida do Blog de María Loureiro
Podedes ler mais información sobre isto en "curioso pero inutil"

CORRENTE ELÉCTRICA

2008-01-13T18:33:00.002+01:00

Responde aquí
A razón pola cal unhs materiais son conductores da eléctricidade e outros son illantes está na súa diferente estructura atómica. Investiga como estan constituidos estes materiais.

¿Cales son as súas características principais?
¿Que outro nome reciben os materiais illantes?
Para esta actividade visita a WIKIPEDIA e busca a palabra "carga" e elixe o tema illantes e conductores.
Unha páxina moi interesante sobre a electricidade é o
Blog de Maria Loureiro do IES de Baiona
E aquí tendes traballo para practicar e entregar:
ficha de actividades nº 1 do día 15 de xaneiro de 2008.
ficha de actividades nº 2 do 25 de xaneiro de 2008
Exame Electricidade do 15/01/2008

Ataque de un AGUJERO NEGRO a una GALAXIA

2008-01-10T12:42:00.000+01:00
Diciembre 18, 2007: observatorio de la NASA, un potente chorro que proviene de un agujero negro supermasivo está arremetiendo contra una galaxia cercana. Esta violencia sin precedente podría tener un importante efecto sobre los planetas que se encuentren en la trayectoria del chorro y podría incluso provocar el nacimiento de nuevas estrellas tras el paso de su estela destructora.

Esta escena de la vida real, que bien podría formar parte de la más extravagante de las historias de ciencia ficción, se desarrolla en un sistema galáctico binario muy lejano, conocido como 3C321. Hay dos galaxias que giran en órbita, una alrededor de la otra. Un agujero negro supermasivo, ubicado en el centro de la galaxia más grande de ese sistema, arroja un chorro en dirección de su compañera más pequeña.

Chorros como este, producidos por agujeros negros supermasivos, generan enormes cantidades de radiación, en especial rayos X y rayos gama, los cuales, en grandes cantidades, pueden resultar letales. La combinación de los efectos de esta radiación y los de las partículas que viajan en el espacio prácticamente a la velocidad de la luz podría resultar muy dañina para la atmósfera de planetas que se encuentren ubicados en la trayectoria del chorro. Las capas de ozono que protegen la atmósfera superior de los planetas, por ejemplo, podrían ser destruídas.
Fuente:
http://ciencia.nasa.gov/

O HELICOPTERO SOLAR

2008-01-08T21:55:00.000+01:00

Este é un proxecto moi sinxelo no que se emprega a enerxía fotovoltaica.

E un kit adquirido en Opitec de fácil montaxe, o interesante está no motorciño e na celula fotovoltaica que forman as aspas do aparello.
Para rematar unha pouca de cor e xa está.

Aquí tendes unha foto. ¿que vos parece?

VISITA A RECICLATERRA

2008-01-08T21:40:00.000+01:00

O pasado día 19 de decembro, os alumnos de 4º da ESO e 3º diversificación do IES Sofía Casanova visitaron RECICLATERRA.
Ver albun de fotos

RECICLATERRA centro de interpretación e divulgación da reciclaxe, situada en Mougá – Ferrol, da a coñecer aos visitantes a realidade do consumo de residuos e o seu posterior tratamento, e intenta promover hábitos positivos de consumo.
A oferta educativa de RECICLATERRA, vai dirixida aos escolares como complemento do ensino regrado ou a calquera colectivo interesado en realizar actividades ambientais.
O persoal da aula ofrece información, itinerarios guiados polo interior da mesma e unha proposta de actividades e talleres gratuitos.
RECICLATERRA
Centro de interpretación da reciclaxe
Mougá S/N -
FERROL
Teléfono: 630 96 97 63
reciclaterra@gmail.com

SISTEMA DE CUALIFICACIÓN- FISICA E QUIMICA 3º ESO

2007-12-16T22:12:00.001+01:00
Para ver os criterios de avaliación de 3º Curso da ESO de Física e Química preme aquí. Tamén podedes velos na páxina Web do instituto.

CIFRAS SIGNIFICATIVAS

2007-12-05T22:35:00.000+01:00

Chamamos cifras significativas o número de díxitos que se coñecen con seguridade nunha medida. Apuntes.

FÍSICA E QUIMICA 3ºESO

2007-12-03T22:51:00.001+01:00
MEDIDA DE VOLUMES

Visita a seguinte páxina FISQUIWEB

Visualiza o video e a continuación responde:

¿Porqué o xuiz coloca a vista a altura do líquido?

Responde aquí ou na clase e concedereiche un positivo

O CUBO SOMA.

2007-12-03T21:42:00.001+01:00
O Cubo Soma e un xogo de 7 pezas deseñado polo científico francés Piet Hein, que unha vez unidas forman un cubo, sendo moitas as posibilidades de formalo.
Moitas son tamén as formas que se poden obter combinando distintas pezas.
A aplicación que eu lle atopei en tecnoloxía e que son pezas ideais para iniciar no Sistema Diédrico os alumnos.

Fabriqueino con 27 cubos de madeira de 3x3 cm, que despois fun pegando con cola rápida según as distintas figuras do Soma.

Como podedes ver pintei cada vista dunha cor, para que lles sexa mais fácil identificar as distintas vistas.
Espero que vos guste esta idea, opinade.....

CAMBIO CLIMÁTICO

2007-12-03T08:45:00.000+01:00

Comeza hoxe en Baly a conferencia sobre o cambio climático que sentará as bases post Kioto
Yvo de Boer, afirmou que 'por un lado temos una clara sinal da comunidade científica que nos indica o que se debe facer e que se debe facer agora'.
'Mi pregunta para todos los ministros que se han desplazado hasta aquí es ¿Cuál va a ser vuestra respuesta?', señalou De Boer.
O obxetivo fundamental xa non só se concentra na reducción de emisions de gases nocivos.O proceso comprlicouse e agora, Bali emerxe coma una solución para resolver cuestions de adaptación, cooperación tecnolóxica; ou os métodos para financiar unha resposta o cambio climático.
Novas:
O novo Primeiro Ministro de Australia, o laborista Kevin Rudd, firmou hoxe o Protocolo de Kyoto para a reducción das emisions de gases de efecto invernadoiro, poucas horas despois de prestar xuramento como Xefe de Goberno.

¿Que sabes tí sobre o protocolo de Kioto?

O Protocolo de Kioto sobre o cambio climático e un acordo internacional que ten por obxeto reducir as emisions de seis gases provocadores do quentamento global: dióxido de carbono (CO2), gas metano (CH4) e óxido nitroso (N2O), ademáis de tres gases industriales fluorados: Hidrofluorocarbonos (HFC), Perfluorocarbonos (PFC) e Hexafluoruro de azufre (SF6), nunha porcentaxe aproximada dun 5%, dentro do periodo que vai dende o ano 2008 o 2012.
Se queres mais información www.wikipedia.org

A TABLA PERIODICA

2007-12-02T00:38:00.000+01:00
Para que digades que a Química non pode ser divertida , eiquí tendes este video.

Dia Internacional de loita contra o SIDA

2007-12-01T23:13:00.000+01:00
"Se non tomas precaucions ¿Sabes quen actúa?
Este e o lema da campaña que leva a cabo o Ministerio de Sanidade e Consumo.
A campaña está dirixida a xoves de 14 a 20 anos , de cualquer ámbito económico, social e cultural.

Se necesitas información acude a estas páxinas

http://www.msc.es/campannas/campanas07/Ssexualjovenes.htm

http://www.stopsida.org/

O SISTEMA SOLAR. 4º ESO -Diversificación

2007-11-30T20:42:00.000+01:00
Propoñovos realizar a seguinte tarefa; buscar fotografías de:
Atmósfera de marte.

Estacions en saturno.

Debuxo do interior do sol.

Superficie de venus.

Nebulosa de reloj de arena.

Supergigante roja.(a dereita)

Galaxia del sombrero.

Agujero negro.

Aurora boreal.

Panoramica lunar.

Huracan Caterina
http://www.astromia.com/
Estas imaxes e todas as desta páxina sorprenderanvos pola sua fermosura e axudaranvos a entender a inmensidade do universo e o insignificate que é o home.
A continuación gardadeas nun cartafol denominado o sistema solar, modificando o nome do ficheiro para que o poidamos relacionar coa foto que contén.

Despois responde:

¿Como e donde se produce a aurora boreal?

¿Quen e cando camiñaron por primeira vez na lúa?

ASIGNATURAS AFINS

2007-11-30T16:12:00.001+01:00
Este curso tocoume impartir un pouco de todo, posto que son titora de 4º de diversificación curricular, o que supón preparar clases de matemáticas, física e quimica, bioloxia e xeoloxía.Tamen dou clase de Física e Quimica nun 3º da ESO.E o que mais satisfacción me da e que cubro o desdobre de Taller de Tecnoloxía en 3º e 4º da ESO.En 3º propuxenlles construir unha máquina de facer pompas de xabón, idea que me aportou a miña amiga e compañeira Blanca.En 4º construiremos "A casa soñada" que aparecia no antiguo libro de Edelvives, e que xa construira no ano 2000 no CPI de Valdoviño.

MURAL SOBRE AS MADEIRAS

2007-11-29T23:53:00.000+01:00

Un alumno do Areal "Jorge", aportou uns listons de madeira de varios tipos, que lle conseguira seu pai, pois traballa nunha empresa de madeiras.
Con esta magnifica aportación fixemos un estupendo mural para o noso taller.
¿Que vos parece?
Enlaces a empresas do sector
http://www.pymgalicia.com/
http://www.portalko.com/

"A CASA NIÑO"

2007-11-29T23:00:00.000+01:00

Este e un dos proxectos que realicei cos alumnos de 1º da ESO.
Disfrutaron serrando, taladrando para facer o burato por onde entrará o paxaro. Para algunhas das alumnas e tamen dos alumnos era a primeira vez que empregaban un taladro , tiñan medo pero a vez estaban ansiosos por utilizalo.
Outros proxectos que lles propuxen foron un Puzle, para inicialos no método de proxectos, e un semáforo para inicialos nos circuitos eléctricos.
Mais adiante publicarei as fotos.